Matteu Cesari

Matteu Cesari

U mio paese

ped'a lu monte Cardu, indu nidu di verdura
Secondu la staggione, c'è lu sole e la friscura
Sera un locu beatu, fin'a chi lu mondu dura

Da una parte c'è lu varlu, da l'altra pinzu curbinu
In fondu c'è lu palazzu, chi ghiè ancu piu vicinu
Boschi di quarci e di lecce, di faji castagni e pini

Lu nostru fiume « Misognu », fala da l'alta muntagna
Ellu innacqua li giardini e rinfresca la campagna
A so acqua pura e chiara e senza alcuna magagna

Davanti a la nostra chiesa sboccanu quattru stradoni
C'è piazza per le vitture in tutte l'occasioni
Paese cusi ben servitu un ci n'è per sti reghioni

A dui passi da Corti, paese privileggiatu
C'è duie belle osterie e ci sera prestu un statu
Oghje le cose muderne s'appiccianu a lu passatu

Paese bellu schiaritu da municipalita
Si po circula la notte cume in le grande citta
D'altre realisazione, hanu da seguita

In inguernu si sta bè, à la grotta di li mori
A l'ascosu di a tramuntana, luntanu da li rimori
E custi chi a lu veranu, spuntanu li primi fiori

Per guadagna la moi vita, eiu m'era alluntanatu
Ava so vintisei anni, chi qui mi ne so bultatu
Cuntentu di ghiungne a more, in paose duve so natu

A caccia a lu cignale

ghje è lu nove aostu ghjornu di l'abartura
U Prefettu e u Ministru hanu datu a so signatura
L'amatori di cignale ponu caccià senza paura.

I cani so cuntentidi puè lascià la catena
Per trovà lu cignale si danu assaï pena
E s'ellu è neccessaria corenu fin'a la sera.

D'a u mucchiu à Ragliagone, fin'a lu ponte d'Altiani
Pè le creste le culette, li monti e li piani
Pè tutti sti macchioni si sente corre li cani.

E poste so infilate a tutte le buchette
A fugile in manu curanu ***otule e strette
So telmente attenti chi sentenu vulà l'acelli benedetta.

Indue a sucietà di caccia ci vole riciplina
Per cumbate avantagiosamente a razza cignarina
Armoria e fratellenza ci vile ch'ella ci sia.

Martinu Bernardini, cacciadore rinumatu
Ellu parte ancu solu da a Conca a Codu a u Pradu
Per caccià lu cignale un'è mai fatigatu.

A la fine di a battuda u muvidore chjama
A so forte voce ribomba pe tutta a campagna
E si lu cignale è mortu, c'è festa e cucagnu.

Tutti uniti in fine di a ghjurnata
Si conta pè u minutu cume la s'è passata
E po si mettenu d'accordu per a prossima cacciata.