Ghiuvanni Olivieri

A e Damicelle Sampetraccie

P rima chi l'annu chi bene S'a fra noi scaturitu, Bi vurrìa fà parvene A ciasched'una un maritu. Aghiu diggià cumandatu L'anelli per mette in ditu. I pagheraghiu salili Chi benenu da luntanu ! Ma, temu chi li partiti Pocu bundanti seranu ? Bi mancanu le risorse, A voi, zitellette corse. Oramai, l'unione Unn'è quistione d'amore. Un c'è mai indu lu core Ca l'impiegu o la pensione : L'omu sposa la zitella S'ell'ha qualehi bagatelle. Quelle ch'è nata mischina È cundannat'a stà sola. E, benchè brava figliola, Quantu sera che matina, Un scopre mai la stella Chi voglia luce per ella. Indu li nostri paesi, Matrimonii un si ne face ; Ognun si sente capace Di truvà le donne a presi : Quelle chi sò, incunusciute Sò più ricche e molt'astute !

Ghiuvanni Olivieri E si parte vulinteri In cerca di la cumpagna Senza difetti o macagna, In paesi furesteri. Per mischiassi cu lu lozzu, Tanti varcanu lu pozzu. Dura la luna di mele Quantu stà caldu lu pane ; Amaru più che lu fele Diventa lu lindumane ; Tandu sò suspiri e angoscie. Corciu ch'un si sà cunosce ! Stu consigliu asculterete, Carissime giuvanelle ; E purtantu, la sapete, Bi culleria a le stelle ; Ma, nanzu che sorte fora, Ognuna si faccia sora ! Fermatevi per tizzone A u fuculaghiu paternu : Luntanu da lu fucone, Un pò esse che l'infernu. Di vulè chiappà la lune, È sempre fatica indernu. Almanaccu di A Muvra, 1928

A muntagnata di u Pastore

(A vicilia di a partanza)
A Larenzu Luciani

A miò Francesca Maria Si fà partanza dumane, Ci n'anderemu a lu frescu Di le punte più suprane Cu tuttu lu nostru mondu Quassù per monte Ritondu. Aiò ch'un c'è tempu a perde, Un è ghiocu di zitelli, Demu di manu a l'atracci, Secchie, pagliòli e tinelli ; Ci n'emu da cullà in sù Cu le pecure e l'agnelli. Or un bedi a Mascherone Chi dà segnu d'allegria, Ghiace nant'a lu scalone E pare ch'ellu si sia Cume un giovanu spusatu Fattu belle e dilicatu. — O lu miò Toniu Francescu Ascoltami un mumintellu, Stattine in tantu a lu frescu Chiò dia capu a lu zitellu, U nostru dilettu fiore S'è discitatu a l'albòre. — Dòpu seraghiu. ò speranza, Prontu a fà cioche tu dici, In questa la circustanza Serànu li vostri amici, Quelli di lu vicinatu, Tutti pronti a fà prudici. Maria Tonia e Ghjsippinu, Anghiula cu Madalena, Postu ch'elli sò bicinu Ci priparinu la cena ; In quantu a lu mannerinu A tròvula è sempre piena. Si cummare Faustina Un era stata malata Cu la surella Mertina Si ne serebbe occupata, Ma u destinu tantu ingratu Quant'ellu c'ha cuntrariatu ! Affaccati a lu purtellu E dà una vote a Rusana, S'ellu pò Ghjsippinellu Cogliesi in groppa a Fasgiana ; Ch'ell'un s'è bistu a Falchetta Ghiè più d'una settimana.

Demuci capu, ò figliòli, Chi lu tempu è preziosu, Diu serà generosu E ci manderà per stòli Da lu stazzu più luntanu Per dacci un colpu di manu: Beneranu da Frassiccia Da Muniglia e Canfavaghiu. Sta sera s'ella ci piccia Si polza lu tintinaghiu ; Aiò ! ch'iò lu vega prestu Appesu a lu tinellaghiu. Avia prumessu di vene Ancu Intò Marcu Peretti, Un amicu chi ci tene Più che parenti ristretti, Ci ne pudemu fidà Per chi ha fatti e poghi detti. Bragone cu Filiciòla Ch'aspitteranu per ghiunghie ? Avà ch'è l'òra di munghie Ognunu si tira in coda, Noi nun seremu mai A la fin di'nostri guai. Mi par di vede a Fasgianu In cu Corsu a bilancinu, Cu lu so staffile in manu, Muscone collà vicinu ; Currite a dalli cunfortu Chi dev'esse stancu mortu. Andemu prestu in capanna Chi c'aspetta lu stufatu, C'è miò moglia chi s'affanna D'un avè a nimu a lu latu, Si no tardassimu troppu Puderebbi esse jalatu. Alò bìa, un bi vergugnate ! Qui si face a l'usu corsu ! Nantu sa panca pusate Chi no ci strappimu un morsu, A l'usu di a nostra casa : Un buccone e pè una tasa. » A mane per fà partanza Ognunu l'òra aspittava. E si missenu in biaghiu Quandu lu jallu cantava, Mentre chi fra li zitelli U più chiucu surnacava. San Petru di Venacu, Settembre 1925 Almanaccu di A Muvra, 1926

U Mio Paese

I O paese tantu amatu Fiore de corsica sana Dute ci musca la foce E ci mugia tramuntana Un scornu cusi bellinu Ben che tu sia piculinu II Mi ramentu quelle tempi Quandu est un zitellettu Quandu n’andava a la scola Saltendu cimè un cabrettu Quantu volte ci so andatu Ancu sclazu et scabigliatu III E rivegu li to chiassi Duve tantu aghiu passadu Tanti felici mumenti E la casa duve so natu Avale piu nun cunoscu Un tempu cusi beatu IV In piazza di la chiesola A l’ormu cusi ribustu Quantu volte mi so provu Per abiguè li so fustu Calzone cu ghiachitelle A quantu ci n’aghiu frustu V Qanutu un casa mi n’andava Mama era natu a cantone In zarga ella mi diccia Fe vede lu tu calzone E quasi sempre mi dava Una bella curezzione

VI Qualchi volta mi n’andava A chinami senza cèna Eiu tandu ne feccia In leta la cantalina E prestu cascava un sognu Sina che fussi altu u ghiornu VII Dopu censi cume tutti Un pocu piu grandicellu Andava di tentu i n tentu A circani un niderellu Era senza cumpasione Avale un so piu quellu VIII Mi pare sempre chio fu Allegru cumè un picchio E prima di riturna A fa cena o culazione Feccia un carcuchu di legne E lu purtava a mama IX Sempr mi ricumpensava A me la moi mamunella Castagne secche mi dava O sino qualchi fritelle Si di baggi lla facava A corcha si cuntentava X Si seguitanu li giorni Ma quantu anu cambiatu Oghie in sta terra luntana Mi pare esse esigliatu E pensu a lu moi san petru Cu lu core adisperatu XI Mi si rode a pocu a pocu Una bruta nustalgia Di reveretu un mumentu Quantu cuntentu seria E ti mandu sta canzona Per tenidi cumpagnia De Jean OLIVIERI , d’Algérie où il se trouvait